最新消息

繼續喺5月份設置主題為「精神健康」嘅DIC週五挑戰站！你知唔知自己嘅壓力指數？有幾耐無好好放鬆過？一齊嚟帶走啲放鬆身心嘅小妙招啦！

只要完成一項同主題相關嘅小任務，就可以換領禮物一份！快啲嚟參加啦！

泰拳活動着重學生嘅紀律同專注力，令小朋友培養自律嘅責任心。同時鍛鍊小朋友嘅集中力及手腳協調，有助身心成長同強身健體。快啲參加禁毒資訊天地嘅親子泰拳，一齊享受親子時間！

孩子每日都會遇上好多學業、家庭或人際關係嘅挑戰，家長應如何協助孩子處理不如意嘅事情呢？係面對定係逃避？處理定係抱怨？人生路起伏不定，從小培養孩子處理逆境嘅能力，能夠幫助孩子以正面思維面對人生。位於金鐘嘅禁毒資訊天地邀請咗黃潔盈博士，同大家分享如何培養高ＡＱ孩子，提升孩子嘅抗逆能力，讓孩子學習面對失敗時，都可以從錯誤中再次企返起身！

內容：

1. 認識ＡＱ抗逆力，並講解如何透過愉快輕鬆的學習方式，培養高ＡＱ孩子
2. 講解三大管教秘訣，以提升孩子面對失敗的能力

請參加者於報名表清楚列明參與方式（親身或線上參與）。親身前往現場的參加者將獲得精美紀念品乙份，場內免費提供輕便小食及飲品。選擇線上參與者將於活動前7天透過電郵收到線上活動參與連結，查詢可致電2867-2935。

一年一度嘅母親節又到啦，有冇諗過要送咩禮物俾媽媽呢？家長同小朋友不如一齊嚟位於金鐘嘅禁毒資訊天地整一束手作花束，慰勞同多謝一下媽媽，好好地慶祝呢一日屬於媽媽們嘅大日子啦！