最新消息

免費精彩活動及家長講座

香港賽馬會禁毒資訊天地定期舉辦不同的免費禁毒活動，包括(1) 禁毒及正向生活工作坊及活動，(2) 禁毒培訓、講座及分享會，(3) 禁毒午間家長講座，(4) 禁毒親子工作坊，及(5) 主題展覽及活動。 (按此查閱活動時間表)

2026年2月13日

家長教室：如何培養高EQ的孩子

各位家長，你哋有冇遇過小朋友突然大叫大喊，仲喊到停唔到？嗰一刻，你可能會覺得好嬲又無奈，甚至控制唔到自己嘅情緒。其實喺孩子嘅「壞行為」背後，好多時只係佢哋未學識點樣好好表達同管理自己嘅情緒。如果家長識得幫佢哋認清自己真正嘅感受，用正確嘅方法表達，就可以幫佢哋冷靜落嚟，就可以減少衝突，更可以培養出高EQ、正面思維嘅孩子，令佢哋將來面對人生挑戰都更加堅韌，提升抗毒力！

今次家長教室，我哋好高興邀請到文正康先生去同大家深入分享，有關調節小朋友情緒嘅好方法，令佢哋更有自信同韌性去面對未來挑戰，對抗毒品誘惑。

日期：2026年2月13日（星期五）

時間：下午1時至2時

內容：
1. 認識孩子真正的「情緒」反應
2. 情緒管理ABC
3. 了解孩子的正面思維
4. 認識高效情緒冷靜法

名額：70人(實體) ， 90人(線上)

費用：全免

語言：廣東話

立即登記

2026年2月10日

送蛇迎馬賀新春活動：利是封金魚掛飾工作坊

利用「舊利是封」循環再造新年金魚掛飾；等舊物綻放新意義，踢走「舊」習，一齊展開新一年嘅新旅程！
只要喺活動時間內到展館回答禁毒相關問題，就可以即場參加！

日期：2026年2月10日 (星期二)

時間：下午12時半至下午2時半

費用：全免

語言：廣東話

報名：即場報名

2026年2月11 & 13日

送蛇迎馬賀新春活動：揮春工作坊

新一年，用筆墨為自己注入正能量！
呢個揮春工作坊，同大家一齊用毛筆寫出傳統祝福同打氣句子，學習積極面對壓力，保持身心健康。
現場仲有禁毒小遊戲，完成後即可帶走你親手寫嘅獨特揮春，將平安同正能量帶返屋企！

日期：2026年2月11日 (星期三) 及 2月13日 (星期五)

時間：下午12時半至下午2時半

名額：每場40人

費用：全免

語言：廣東話

報名：即場報名

備註：所有書寫工具同材料均由DIC提供

2026年2月12日

情人節限定：DIY玫瑰花工作坊

親手製作一支靚靚嘅玫瑰花，等你送畀最愛嘅家人或者好友，傳遞滿滿愛意同正能量
只要大家去DIC即場完成一項禁毒任務，就可以免費參與活動

日期：2026年2月12日（星期四）

時間：下午12時半至下午2時半

費用：全免

報名：即場報名

2026年2月15日

DIC親子環保體驗：廢紙再生親子工作坊

平日啲紙用完就掉，有冇諗過可以令佢重生呢？嚟呢個廢紙再生親子工作坊啦！大家一齊將舊紙、廢紙變身再，做出又靚又實用嘅手工紙！
活動中仲會分享正向溝通小貼士，幫家長同小朋友打開心扉，增進溝通，減少孩子日後接觸毒品嘅風險，齊齊守護家庭嘅幸福！

日期：2026年2月15日（星期日）

時間：上午11時至下午12時半

名額：20組親子 (每組2人)

小朋友年齡：3歲或以上

費用：全免

備註：
若報名人數超額，將以抽籤分配名額。成功報名者會在活動前三天收到報名確認電郵。

立即登記

2026年2月24日

舒緩壓力之選 - 和諧粉彩

DIC 嘅和諧粉彩活動為大家提供一個舒服嘅空間，可以慢慢畫畫，靜靜同自己嘅內心對話。過程中，你一邊畫，一邊讓忙碌生活停一停，搵返休息同靜落嚟嘅時間，絕對係超療癒同減壓嘅活動，仲有預防禁毒知識話畀你知㖭!

就算唔識畫畫都好易上手㗎！快啲報名參加啦！

日期：2026年2月24日（星期二）

時間：下午1時至2時

名額：35人

費用：全免

語言：廣東話

備註：
若報名人數超額，將以抽籤分配名額。成功報名者會在活動前三天收到報名確認電郵。

立即登記

2026年2月25日

DIY抗逆小工具工作坊 - 抗逆書籤

今次我哋準備咗一個好輕鬆嘅活動，等你可以慢慢裝飾，加入個人風格，製作成屬於你嘅「DIY抗逆力書籤」！毋須預先報名，即場參加，即學即用，希望能令你學識得點樣照顧自己嘅情緒，勇敢面對生活壓力，同時更加有信心同毒品say NO!!

日期：2026年2月25日（星期三）

時間：下午1時至2時

費用：全免

2026年2月26日

飛鏢體驗日

二月繼續有飛鏢體驗活動! 想趁飯後時間玩吓，放鬆心情？咁你就唔好錯過DIC嘅飛鏢體驗活動喇，歡迎你過嚟邊玩邊學習毒品知識!
提提你：嚟緊3月12日就係下一次嘅季度挑戰賽，詳情請留意下期嘅宣傳海報！

日期：2026年2月26日（星期四）

時間：下午1時至2時

費用：全免

2026年2月27日 & 3月6日

DIC 週五挑戰站

成日做嘢搞到自己無時間做運動？唔緊要！DIC繼續陪大家做運動！只需短短嘅時間，幫你去保持工作同生活嘅平衡！輕鬆學習毒品知識之餘，仲可以換領健康食品或飲品等小禮物，助你養成正面健康嘅生活習慣！

日期：2026年2月27日 & 3月6日（星期五）

時間：下午1時至2時

費用：全免

2026年2月28日

親子手工藝之選：俄羅斯戳戳繡工作坊

「戳戳戳」～原來戳戳繡唔係淨係打卡咁簡單，用特別設計嘅粗針筆，一戳一拉就整到立體軟綿綿「毛公仔」質感嘅小掛飾，考驗你嘅耐性同細心。家長同小朋友可以一齊揀色、配色，合作做出屬於你哋嘅作品，慢慢享受親子時光。活動仲會以輕鬆方式同大家講吓毒品知識同禍害，等小朋友學識點樣保護自己，一齊打造健康快樂嘅童年！

日期：2026年2月28日 (星期六)

時間：下午二時半至四時

名額：13組親子 (每組2人)

小朋友年齡限制：6歲或以上

費用：全免

備註：
若報名人數超額，將以抽籤分配名額。成功報名者會在活動前三天收到報名確認電郵。

立即登記

2026年3月1日

DIC親子運動之選：親子體適能體驗工作坊

透過刺激又好玩嘅雙人體適能挑戰，齊齊克服難關、提升默契！動仲有毒品快問快答環節，令大家輕鬆掌握健康減壓小知識，建立拒絕毒品嘅決心，快啲過嚟參加，享受一個療癒又充滿活力嘅下午，同家人一齊作出正向選擇！

日期：2026年3月1日 (星期日)

時間：下午二時半至四時

名額：10組 (每組 2人)

小朋友年齡限制：6歲或以上

費用：全免

備註：
1. 請自備水樽及穿著合適衣著
2. 若報名人數超額，將以抽籤方式分配名額。成功報名者會在活動前三天收到確認電郵。

立即登記