最新消息

免費精彩活動及家長講座

香港賽馬會禁毒資訊天地定期舉辦不同的免費禁毒活動，包括(1) 禁毒及正向生活工作坊及活動，(2) 禁毒培訓、講座及分享會，(3) 禁毒午間家長講座，(4) 禁毒親子工作坊，及(5) 主題展覽及活動。 (按此查閱活動時間表)

2026年10月31日

DIC藝術體驗之選 – 紙包盒版畫藝術體驗工作坊

紙包飲品都可以變身藝術作品！？

紙包盒版畫藝術體驗工作坊教你將紙包盒升級，變成創作版畫嘅材料，親手創作環保又有創意嘅藝術作品。好玩之餘，仲可以喺輕鬆氣氛下認識禁毒知識～即刻嚟培養藝術興趣，用正向態度面對生活，堅守無毒人生！

日期：2026年10月31日（星期六）

時間：下午2時半至4時

名額：20人

費用：全免

語言：廣東話

報名須知：
1) 若報名人數超額，將以抽籤形式分配名額，中籤者將於活動前三天收到「報名確認信」電郵通知；落選者將不另行通知。

立即登記

2026年10月30日

家長教室— 雙職父母如何在忙碌中創造優質親子時光

日頭返工，收工後仲要打理家務、湊仔，仲要陪小朋友做功課，真係忙到唞唔到氣。作為雙職父母，係咪成日都覺得身心疲累？明明好想多啲時間陪小朋友玩同傾計，但係卻力不從心，時間好似永遠都唔夠用。

其實，同小朋友相處唔在乎時間嘅長短，最重要係質素，重質不重量！

10月份家長教室邀請咗香港青年協會「家長全動網」親職教育幹事─註冊社工韓詠芝姑娘，同大家一齊探討點樣喺忙碌生活入面，搵到專屬於你哋嘅優質親子時光。良好親子關係係小朋友成長過程中最強大嘅安全網，令佢哋可以培養出更高嘅自制力同埋抗逆力，堅定拒絕外界嘅不良誘惑。

內容：
1. 分享雙職父母面對的困難
2. 如何與子女建立良好親子關係與溝通
3. 講解營造家庭快樂回憶的重要性
4. 「優質陪伴」子女的方法和技巧

日期：2026年10月30日（星期五）

時間：下午1時至2時

名額：70人線上名額90人

費用：全免

語言：廣東話

註：活動參與連結將於活動前3天透過電郵發放，如有查詢可致電2867 2935。

立即登記